Дзяржаўная ўстанова «Нясвіжскі гісторыка-краязнаўчы музей»

Рашэнне аб адкрыцці раённага гісторыка-краязнаўчага музея пры аддзеле культуры было прынята 30.10.1989 г., афіцыйнае адкрыццё адбылося 14.01.1995 г. З 01.01.2005 г. рэарганізаваны ў ДУ "Нясвіжскі гісторыка-краязнаўчы музей", куды ўвайшлі: музей, кватэра-музей мастака М.К. Сеўрука (1996), ганчарная майстэрня (2001) і музейны аб'ект "Кузня" (2006).
Асноўным накірункам з’яўляецца краязнаўчая дзейнасць, вывучэнне рамёстваў Нясвіжчыны.
Экспазіцыя музея складаецца з 5 стацыянарных - "Зберагаючы самабытнасць” (2011), “Гандаль і рамёствы Нясвіжчыны” (2008), "Нясвіж. Старонкі легенд і гісторыі " (1998), "Вайна. Трагедыя. Подзвіг." (2005), "Выратаваныя каштоўнасці" (1999) - і 2 выставачных залаў, у якіх штогод адкрываецца больш за 15 выстаў рознай тэматыкі (мастацкія, патрыятычныя, з пасольстваў розных краін.
Асноўны фонд на 01.01.2019 года налічвае 11603 адз., размеркаваны паміж 18 калекцыямі, найбольш значныя з якіх - "Жывапіс і графіка”, “Фотадакументы”, "Дакументы", “Посуд”, персанальная калекцыя мастака М.К. Сеўрука (1240 адз.). Унікальнымі прадметамі з’яўляюцца: куфель, т.зв. “Талеравы кубак”, серабро, Кёнігсберг, 1720-1757 гг.; літургічная кніга памінальнай месы лацінскай традыцыі – Рэквіем нясвіжскага (?) бернардзінскага кляштара, змяшчае песнапенні 16-17 ст. са старажытнай натацыяй, Вільня, 1841 г.; клад (шкляны, фарфоравы і металічны посуд – 141 прадмет) знойдзены ў падвале касцёла кляштара бенедыкцінак у Нясвіжы ў 1988 г. Польшча (?), к. ХІХ – п. ХХ ст.